christmas star     Mahbere Abune Selama- self help association, support those in need, Spiritual gatherings, youth and adult counselling       christmas star

logom3

 

2
Screen Shot 2013-02-23 at 19.17.05
crossB2
hnat
mb1
mb3
mb5

ዜናታትና

View more featured blog entries

 

  

lovecross ብሰላም እተዉ lovecross

 

     ናብ ማሕበር ኣቡነ ሰላማ ዌብሳይት ብሰላማ እተዉ፣ ኣብዚ ዌብሳይት እዚ መንፈሳዊ ህይወትኩም ዝሕግዝ ዘነቓቕሕ ቡዝሓት መደባት ሕዛ ቐሪባ ኣላ እሞ ተጠቀምቲ ክትኮኑ ብ ኣምላክ ሽም ብትሕትና ንሓትት። እዚ ዌብሳይት ብ ሃይማኖት ንዝጎልመሱ ፣ ለውጢ ኣብ ምምፃእ ንዘለዉ ፣ ገና ጀመርቲ ንዝኾኑን ፈፂሞም ሃይማኖት ዘይፈልጡን ኮቶስ ንኹላትና ዝሕግዝ፡ መንፈሳውይ ሂወትና ዘለምልምን ፉሉይ መደባት ሕዛ ቐሪባ ስለ ዘላ ብሓጎስ ክነበስረኩም ንፈቱ። 

 

                                            lll

 

እንኳዕ ንጾመ ነነወ ብሰላም ኣብጽሓና

 

ንዮናስ፣ ተንስእ፣ ናብ ነነዌ፣ ናብታ ዓባይ ከተማ፣ ኪድ፣ ኣነ ዝእዝዘካ ኣዋጅ ከኣ ኣውጀላ፣ ዚብል ቃል እግዚኣብሄር ካልኣይ ጊዜ መጾ። ዮናስ ከምቲ ቓል እግዚኣብሄር ተንስኤ፣ ናብ ነነዌውን ከደ። ነነዌ ግና ኣዝያ ዓባይ ከተማ፣ መገዲ ሰለስተ መዓልቲ እያ። ዮናስ ናብታ ኸተማ ኺኣቱ መገዲ ሓንቲ መዓልቲ ጀመረ እሞ፣ ነነዌ ኣርብዓ መዓልቲ ጸኒሓ ኽትግምጠል እያ፣ ኢሉ ኣወጀ። ሰብ ነነዌ ኸኣ ንኣምላኽ ኣመኑ፣ ጾም ድማ ኣወጁ፣ ካብ ዓበይቶም ክሳዕ ናእሽቱኦምውን ክሻ ተኸድኑ።

 

እዚ ወረ እዚ ናብ ንጉስ ነነዌ በጽሔ፣ ካብ ዝፋኑ ተንስኤ፣ ባርኖሱ ቐንጠጠ፣ ክሻ ተኸድነ፣ ኣብ ሓሙዅስቲ ድማ ተቐመጠ። ኣብ ነነዌ ብትእዛዝ ንጉስን መኳንንቱን ከምዚ ዚብል ኣዋጅ ተኣወጀ፣ ሰብ ወይስ እንስሳ፣ መጓሰ ኸብቲ ወይስ መጓሰ ኣባጊዕ ሓንቲ እኳ ኣይጥዐማ፣ ኣይውፈራ፣ ማይውን ኣይስተያ፣ ሰብን እንስሳን ክሻ ይከደኑ፣ ዓው ኢሎም ድማ ናብ ኣምላኽ የእውዩ። ነፍሲ ወከፍ ከኣ ካብ እኩይ መገዱን ካብቲ ኣብ ኢዱ ዘሎ ዓመጽን ይመለስ። ኣምላኽ እንተ ተመልሰን እንተ ተጣዕሰን፣ ንሕና ኸይንጠፍእ ከኣ ካብ ጕሁር ቍጥዓኡ እንተ ተመልሰን፣ መን ይፈልጥ? ኣምላኽ ከኣ ካብ እኩይ መገዶም ከም እተመልሱ፣ ግብሮም ረኣየ፣ ኣምላኽውን ነቲ ኼውርደሎም ኢሉ እተዛረቦ መዓት ተጣዕሰሉ፣ ኣይገብሮን ከኣ። ዮናስ 3፡1-10

 nenewemahber

 

+++ እንቋዕ ናብ ብርሃነ ጥምቀት ኣብጻሓና +++


''ናይ መwጀመርያ ናይ ክርስትና እምነት ብሃገር ለኸ መዓስ ተቀቢልና መዓስ ተጠሚቕና ብመን ተጠሚቕና?''

እንቋዕ ናብ ናይ ጎይታና ኣምላኽና መድሓኒና ኢየሱስ ክርስቶስ ብዓለ ጥምቀትን ናይ ምድሪ ሓበሻ ሰባት ኢትዮጵያን ኤርትራን ብኢድ ኣቦና ናይ መጀመርያ ሃዋርያ ኣቡነ ሰላማ ከሳቴ ብርሃን ጥሪ 11 መዓልቲ ናይ ክርስትና እምነት ዝተጠመቅናሉ ዓመታዊ ክብረ ብዓል ኣብጻሓና።

''ናይ መጀመርያ ናይ ክርስትና እምነት ብሃገር ለኸ መዓስ ተቀቢልና መዓስ ተጠሚቕና?''

ኣቦና ኣቡነ ሰላማ ከሳቴ ብርሃን ኣብ ኢትዮጵያን ኤርትራ ምድሪ ጳጳስ ኾይኑ ምስ ተሾመ ኣብ ኣኽሱም ጽዮን ተቀሚጡ ኸሎ ኣምላኽ ዝወለደት ብድንጋሌ ስጋ ብድንጋሌ ነፍሲ ዝጸንዐት ክብርቲ ኣዴና ድንግል ማርያም ተገሊጻ ኣብ ደብረ ሲና ኤርትራ ብዙሕ ሕዝቢ የእሚኑን ከጠምቅን ብድሕሪኡ ሰለስተ ዓመትን ሰለስተ ወርሕን ናብ ጣና ደሴት ኬድካ ኣብኡ ኣጥምቕ ናይ ክርስትና እምነት ኣምህር ሑርያትን ቅዱሳትን ዝኾኑ ናይ ነገስታት ኣብርሃ ኣጽብሃ ምስ ሰራዊቶም ምሳኻ ምእንቲ ክኸዱ ንገሮም ኢላቶ ንሱ ኸኣ ከምኡ ኢሉ ነጊርዎም።

እዞም ቅዱሳት ዝኾኑ ናይ ምድሪ ሓበሻ ነገስታት ኣብርሃ ወኣጽብሃ እዚ ምስ ሰምኡ ደስ ኢልዎም። ኣቦና ብኣኻ ምኽንያት ናይ እስራኤል ኣምላኽ ብርሃኑ ገሊጽልና ካብ ጸልማት ናብ ብርሃን ኣውጺኡ ንቕዱስ ስግኡን ንክቡር ደሙን ኣብቂዑና ስለዚ ኣምላኽ ዝወለደት ብድንጋሌ ስጋ ብድንጋሌ ነፍሲ ዝጸንዐት ክብርቲ ኣዴና ናብ ዝኣዘዘትካ ንምኻድ ድልዋት ኢና በልዎ።

ብድሕርዚ ኣብርሃ ወኣጽብሃ ከሳቴ ብርሃን ምስ ዝተበሃለ ናይ ኢትዮጵያን ናይ ኤርትራ ጳጳስ ምስ ኣባ ሰላማ ብምዃን ብዙሕ ሰራዊቶም ኣሰሊፎም ናብ ጣና ደሴት ንምኻድ ጉዕዞ ጀሚሮም። ብድሕሪኡ ኣብ ናይ ጣና ባሕሪ ወደብ ምስ በጽሑ ድንኳኖም/ ኬንዳ/ ኣብቲ ገምገም ወደብ ተኺሎም ኣብኡ ምስ ሰፈሩ ኣብ ጥሪ 11 መዓልቲ ኣብ ጣና ባሕሪ ህዝቢ ኩሉ ከሳቴ ብርሃን ምስ ተበሃለ ናይ ኢትዮጵያን ናይ ኤርትራን ናይ መጀመሪያ ሃዋርያ ብ ኣባ ሰላማ ኢድ ተጠሚቆም።

ኣብ ኡ ኸኣ ቁርባን ሰሪዖም መስዋእቲ ኣዳሊዮም ናይ ክርስቶስ ቅዱስ ስግኡን ክቡር ደሙን ብኣቦና ኣቡነ ሰላማ ከሳቴ ብርሃን ኢድ ተቐቢሎም። ኣቡነ ሰላማ ከሳቴ ብርሃን ምስ ኣብርሃን ኣጽብሃን ናይ ጣና ባሕሪ ባሪኾማ። መንፈስ ቅዱስ ብሓዊ ነበልባል ኣምሳል ወሪዱ ስለዝቀደሳ ናይ ጣና ባሕሪ ልክዕ ከም ዮርዳኖስ ባሕሪ ዝተቀደሰት ኮነት።

ሕዝቢ ኩሉ እዚ ድንቂ ዓቢ ዝኾነ ተኣምር ምስ ሰምዑ ካብ ዝተፈላለዩ ዞባታት ኣወዳት ይኹኑ ኣዋልድ ብምምጻእ ኣብ ጣና ደሴት ከባቢ ብምብራቕን ብምዕራብን ብደቡብን ንሰሜን ብዘሎ ቦታ ዙርዩኡ ኬንዳ /ድንኳን/ ተኺሎም ዳስ ሰሪሖም ከተማ ከቲሞም ናይ ጥምቀት ስርዓት ክሳብ ዝፍጸም ናይ ክርስትና ሃይማኖት ክሳብብ ዝቕበሉ ኣብኡ ተቐሚጦም ነበሩ።

ናብ ኡ ህዝቢ ኩሎም እንዳመጹ ኣብ ጣና ባሕሪ ንሰለስተ ዓመት ዝ ኣክል ብዘይ ምቁራጽ ተጠሚቆም ከሳቴ ብርሃን ዝተበሃሉ ኣባ ሰላማ ናይ ጣና ባሕሪ ከም ዮርዳኖስ ባሕሪ ስርዓት ሓደ ግዜ ባሪኾማ እዮም። ኣብርሃ ወኣጽብሃ ምስ ኣቦና ከሳቴ ብርሃን ስርዓት ጥምቀት ንምፍጻም ትምህርተ ሃይማኖት ንምስፍሕፋሕን ንምምሃርን ንሰለስተ ዓመት ዝ ኣክል ኣብ ዳጋ እስጢፋኖስ ደሴትን ኣብ ከባቢኡ ዘለዋ ኣብ ሳፍ ደብረ ሳህል ጣና ቂርቆስ ቤተክርስቲያንን ገዳማትን ተዘዋዊሮም ብምምሃርን ብምጥማቕን ቀንዮም።

ብድሕርዚ ናይ ሓበሻ ሰባት ብሙሉኦም ክርስቲያን ብምዃን ናይ ክርስቶስ ቅዱስ ስግኡን ክቡር ደሙን ተቐቢሎም። ድሕሪ ሰለስተ ዓመት ነገስታት ኣብርሃ ወኣጽብሃ ምስ ከሳቴ ብርሃን ጳጳስ ምስ ኣባ ሰላማ ርእሰ ከተም ኦም ናብ ትርከብ ናብ ኣክሱም ጽዮን ንምካድ ካብ ዳጋ እስጢፋኖስ ተበገሱ። ናይ እግዚኣብሔር ፈተውቲ ዝኾኑ ኣብርሃ ወኣጽብሃ ተመሊሶም ኣኽሱም ጽዮን ምስ በጽሑ ብሓድሽ ሕጊ ስርዓት ንግስና ፈጺሞም። ኣብ ኢትዮጵያን ኤርትራን ምድሪ ሓበሻ ናይ ክርስቶስ ብርሃን ትምህርቲ ዘብረሀ ከሳቴ ብርሃን ዝተብሃለ ብናይ ምድሪ ሓበሻ ጳጳስ ብ ኣባ ሰላማ ኢድ ቅዱስ ስጉኡን ክቡር ደሙን ተቐቢሎም። ብድሕሪኡ ዓቢ በዓል ጌሮም ዝተመስገነ እግዚኣብሔር ኣመስጊኖሞ ብኽልተ ወገን ድንግል ንዝኾነት ኣምላኽ ንዝወለደት ን ኣዴና ቅድስቲ ድንግል ማርያም ኣመስጊኖማ። 
(ካብ ገድሊ ኣቡነ ሰላማ ከሳቴ ብርሃን ፍሬምናጦስ ዝተወሰደ)።

ጽቡቕ በዓል ይግበረልና። ጎይታና ኣምላኽና መድሓኒና እየሱስ ክርስቶስ ናይ ብርሃን ጥምቀቱ በረኸቱ ምስ ማሕበርናን ምስ ኩልና ሕዝበ ክርስቲያን ይኹን ኣሜን።

ወስብሃት ለእግዚኣብሔር።

 

15995285 729864773848788 9078969413895373828 o

 

 

''ናይ ጎይታና ኣምላኽና መድሓኒና እየሱስ ክርስቶስ ልደት''


''ሕጻን ተወሊዱልና፡ ወዲ ተውሂብና እዩ እሞ፡ እቲ ግዝኣት ከኣ ኣብ መንኲቡ እዩ፡ ስሙውን ግሩም፡ መካር፡ ብርቱዕ ኣምላኽ፡ ኣቦ ዘለኣለም፡ መስፍን ሰላም ኪስመ እዩ።'' ኢሳይያስ 9:6።


+++ እንቋዕ ናብ ናይ ጎይታናን ኣምላኽናን መድሓኒናን እየሱስ ክርስቶስ ዓመታዊ ናይ ልደት ክብረ በዓልን ናይ ቅድስት ሰማእት ኣርሴማ ወርሓዊ በዓልን ብሰላም ኣብጸሓና። ጎይታና ኣምላኽና መድሓኒና እየሱስ ክርስቶስ ናይ ልደቱ በረኸትን ናይ ቅድስት ሰማእት ኣርሴማን ምስ ማሕበርናን ምስ ኩልና ህዝበ ክርስትያንን ይኹን ኣሜን።+++


++++++++++ ናይ ጎይታና ኣምላኽና መድሓኒና እየሱስ ክርስቶስ ልደት ታሕሳስ 29 ቤተክርስትያና ተ ኽብር። +++++++++

ካብ ኣባ ሳሙኤል ወልደ ሰላማ ናይ ጽሑፍ ዝቀረበ።


ኣብ ቤቴልሄም ኣብ ደምበ ኣብ መብልዒ ማል ዝተወለደ ህጻን እየሱስ መን እዩ? ኣብ መጽሓፍ ቅዱስ ሙሉእ ካብ ድንግል ስለ ዝውለድ ህጻንን ዝውለድ ንጉስን እንዳበለ ስለ ናዚ ህጻን ብዙሕ ይዛረብ፣ ብፍላይ ኣብ ትንቢተ ኢሳያስ ብዛዕባ እዚ ህጻን ዓሚቕ ምስጢር ይዛረብ ካብኣቶም ፧ -

"ሕጻን ተወሊዱልና፡ ወዲ ተዋሂብና እዩ እሞ፡ እቲ ግዝኣት ከኣ ኣብ መንኵቡ እዩ፡ ስሙ እውን ግሩም፡ መካር፡ ሓያል ኣምላኽ፡ ኣቦ ዘለኣለም፡ መስፍን ሰላም ክስመ እዩ።" ኢሳ 9፧6። ኣብ ላዕሊ ዘሎ ናይ መጽሓፍ ቅዱስ ዝተቐደሰ ቃል "መካር፥ ሓያል አምላክ” ኢሉ ነቲ ህጻን ይጽውዖ። ኣምላኽ ዝብል ቃል እዚ ህጻን ብርግጽ ኣምላኽ ምዃኑ የረድእ፣ መካር ሓያል ዝብሉ ቃላት ድማ ናይ ኣምላኽ ባህርያት ዝገልጹ እዮም።


ኣምላኽ ዝብሎ ዝብሃል ዘሎ ህጻን ብሓቂ ኣዳምን ሄዋንን ዝፈጠረ፣ 40 መዓልቲ ዝናብ ኣዝኒቡ ኖሁን ደቁን (ኣንስቲ ደቁን) ኣድሒኑ ዓለም ኩሉ ዝደምሰሰ፣ ሓዊ ኣዝኒቡ ሶዶምን ጎመራን ዘጥፈአ፣ መኻን ሳራ ወዲ ዘሕቖፈ፣ ግብጽን ፈርኦንን ብዓሰርተ መቕዘፍቲ ዝቐዘፈ፣ እስራኤል ናይ ኤሬትራ ባሕሪ ኸፊሉ ዘሳገረ፣ መና ካብ ሰማይ ዘዝነበ፣ ማይ ካብ ከውሒ ዘፈለቐ ናይ ኣብርሃም ናይ ይስሃቅ ናይ ያእቆብ ኣምላክ፣ ናይ ሳሙኤል፣ ናይ ዳዊት፣ ናይ ሰሎሙን፣ ናይ ኤልያስን ናይ ኤልሳእን ኣምላኽ ኣልፋን ኦሜጋን ኣምላኽ እዚ ህጻን እዩ። ነብዩ ኢሳያስ ኣይሁዳዊ ናይ ልኡል ኣምላኽ ቅዱስ ነብይ እዩሞ መን ኣምላኽ ኢሉ ክጽውዕ ከምዘለዎ ኣጸቢቑ ዝፈልጥ እዩ። ትኽክል ስለዝኾነ ድማ ኣብ መጽሃፍ ቅዱስ ሰፈረ። ቀጺሉ ብዝገርም ቃል “ኣቦ ዘልኣለም ” ይብሎ ዘልኣለማዊ ዝኾነ ኣምላኽ ጥራይ እዩ። ስለዚ እዚ ህጻን ነብይ ኣይኮነን፣ ሓድሽ ህጻን ቅድምሕጂ ዘይነበረ እውን ኣይኮነን ዘልኣለማዊነቱ ዝነበረ፣ ዘሎን ዝነብርን ምዃኑ ይገልጽ።


ብተወሳኺ እዚ ኣምላኽ ናይ ኣምላኽ ስራሕ ዝሰርሕ ኣምላኽ እዩ ዝተበሃለ እምበር ዘማልድ ኣምላኽ ኢሉ ኣይጸወዖን። ክሳብ ሕጂ ኣምላኽ ኣየማለደን ንመንከ ክማልድ ኣምላኽ ዝብል ቃል ተማላድነቱ እምበር ኣማላድነቱ ኣይገልጽን። ብስጋ ምምጽኡ ሓያል መካር ኣምላኽ ኣቦ ዘልኣለም ናይ ሰላም ሓለቓ ካብ ምዃን ዝኸልክሎ ዘይኮነስ “ተባሂሉ ክስመ እዩ” ዝብል ቃል ግን እዚ ሽሙ ኣምላክ ኣብ ዙፋኑ ከሎ ዝጽወዓሉ ሕጅውን ብስጋ ምንም ከይተቐየረ ሓያል መካር ኣምላኽ ኣቦ ዘልኣለም ናይ ሰላም ሓለቓ ካብ ምኻን ዝኽልክሎ ስለዘይኮነ ነገር ግን “ተባሂሉ ከምዝጽዋዕ” ይገልጽ። ካሊእ ማቴዎስ ወንጌል 2፧2 "እንሆ፡ ሰብ ጥበብ፡ እቲ እተወልደ ንጉስ ኣይሁድ ኣበይ ኣሎ? ኰዀብ ኣብ ምብራቕ ርኢና እሞ፡ ክንሰግደሉ መጺእና፡ እናበሉ ካብ ምብራቕ ናብ እየሩሳሌም መጹ” ይብል እዚ ቃል ህጻን እየሱስ ዝስገደሉ ኣምላኽ ም ዃኑ የርኢ እዚ ድማ መጽሓፍ ቅዱስ ስላዝኣመነሉ ኣስፊርዎ ኣሎ።


እዚ ህጻኑ ንጉስ ጥራሕ ኣይኮነን ኣምላኽ፣ ኣቦ ዘልኣለም ናይ ሰላም ሓለቓ እውን እምበር። እሞድኣ ንምንታይ እዩ ኣምላኽ ባዕሉ ዝፈጠሮ ስጋ ክለብስ ዝፈተወ? ኣብቲ ደምበ ምሕደሪ እንስሳት እቲ ኣዝዩ ድኻ ዝበሃል እኳ ዘይሓድሩሉ ቦታ ክውለደሉ ከመይ መረጾ? እወ ኣእምሮ ዘለዎ ሰብ ኩሉ እዚ ሕቶ ክሓትት ይግባእ። መልሱ መጽሓፍ ቅዱስ ይነግረና። "ድማ መንግስተ ሰማያት ጽቡቕቲ ዕንቊ ዝደሊ ነጋዳይ ትመስል። ሓንቲ ኽብርቲ ዕንቊ ምስ ረኸበ፡ ከይዱ ዘለዎ ዂሉ ሸጠ እሞ ዐደጋ።
” ማቴ13፧45-46 ኣብዚ ቅዱስ ቃል ብነጋዳይ ዝተመሰለ መን እዩ? በነጋዳይ ዝተመሰለ ኣምላኽና እየሱስ ክርስቶስ እዩ። ናብዚ ዓለም ምምጽኡ፣ ኣብ ደምበ መብልዒ ማል ምውላዱ፣ ካብ ኩላትና ብታሕቲ ድኻ ዝኾነ ዝለዎ ኩሉ ሸይጡ ዝበሃል ቅዱስ ጳውሎስ ከም ዝተዛረቦ "ጸጋ ጐይታና እየሱስ ክርስቶስ ትፈልጡ ኢኹም እሞ፡ ንስኻትኩም በቲ ድኽነቱ ምእንቲ ኽትህብትሙ፡ ሃብታም ክነሱስ፡ ምእንታኻትኩም ደኸየ።” 2ኛቆሮ8፧9 ሃብታም ዝበሎ ኣምላኽ ናይ ኩሉ ወናኒ ኩሉ ናቱ ስለዝኾነ እዩ። ኣብ ናይ ነጋዳይ ምሳሌ ከም ዝገልጾ ናይ ኣምላኽነቱ ክብሪ፣ ግርማን መልክዕን ሸጠ ድኻ ዝተበሃለ ድማ ካብ ነገስታትን መሳፍንትን ዘይኮነስ ካብ ድኻን ምስኪንን ኣደ ምውላዱ፣ ኣብ ቤተመንግስቲ ዘይኮነስ ኣብ ደምበ ኣብ መብልዒ ማል ምውላዱን፣ ናብ ግብጺ ምስዳዱን፣ ምጽራፉን፣ መጸፋዑ፣ ኣብ ገጹ ርኩስ ምራቖም ስለ ዝተፈኡሉን ከም ወንጀለኛ ብመስቀል ምማቱን ኩሉ ሸይጡ ድኻ ኮነ ተባሃለ።


ግን…… እንታይ ክገዝእ እዩ እዚ ኩሉ?????????? ክብርቲ ዕንቊ። ክብርቲ ዕንቊ ዝተበሃለኸ መን እዩ????? እሱድኣ ኣነን ንስኹምን ኢና ኣምላኽና እሱ ክቡር ሃብትን ዕንቁን እንከሎ ንዓና ከም ክብርቲ ዕንቊ ጌሩ ኩሉ ሓዲጉ ንዓነ ዝገዘአ ብሓቂ ኣንሕና ክብርቲ ዕንቊ ዲና???????? ኣይ እሱ ድኣ ኣይኮናን፤ ወድሰብ ካብ ማዓስ ድኣሞ ክብርቲ ዕንቊ ኮነ? "ኲሎም ሓጢኦም ክብሪ ኣምላኽውን ስኢኖም።” ሮማ 3፧23 ዝብል ቃል ወዲሰብ ኩሉ ሃጥያተኛ ምኃኑ የረድእ። ግን ክብርቲ ዕንቊ ዝኾና እሱ ኣምላኽና ስለዝፍቀረና ጥራይ እዩ። እሱ ክርኤና ከሎ ግን ከም ክብርቲ ዕንቊ ይፈትወና ይብህገና ክሳብ ሞት ድማ ኣፈቂሩና መጽሓፍ ከም ዝነግረና ኩላትና ክሳብ መወዳእታ ኣፍቀረና "ኽሳዕ መወዳእታ ኣፍቀሮም።” ዮሓ13፧1።ስለዚ ድማ እዩ እዚ ነው በዓል ክነብዕል ከለና ዘደምም ፍቕሩ ክነስተውዕልን ክንግንዘብን ዘለና። ናይ ሓጎስ በዓል ዝኾነ ክሑጎስ ስለዝመጸ ዘይኮነስ ንዓና ካብ ዘልኣለማዊ ኩነኔ ኣድሒኑ ከሖጉስ (ብርግጽ ናትና መንፈሳዊ ሓጎስ ናቱ ሓጎስ እዩ) ስለዝመጸ እዩ።
ንሱ ከምዝፈተወና ንሕና እውን ክንፈትዎ እሱ ንዓና ከምዝነበረ ኣንሕና ድማ ንክብሩ ክነብር ምስትውዓል ይሃበና።


ርሑስ ልደት ይግበረልና። 

15823702 723013434533922 4756143194726341037 n

 

ዓመታዊ ክብረ በዓል ኣቦና ኣባ ሰላማ ከሳቴ ብርሃን ጵጵስና ዝተቀበልሉ ብክብ ዝበለ መዓርግ ተከቢሩ

ኣብቲ ዕለት ጉባኤ ብጸሎት ብራኬ ኣቦናን መምህርናን ኣባ ሳሙኤል ወልደሰላማ ድሕሪ ምክፋት፡ናይቲ ዕለት ታኣምረ ማርያምን ታምረ ኣባ ሰላማን ተነቢቡ።ቀጺሉ መክፈቲ መደባት ዝኮነት ናይ ሓባር መዝሙር ብምዝማር፡ ብመዘምራን ክፍሊ ማሕበር ኣቡነ ሰላማ ከሳቴ ብርሃን ጥዑም ዜማን ላዛን ዘለዎ መዝሙራት ብተከታታሊ ቀሪቡ፡ነቲ ዕለት ዝተዳለወ እቲ ህያውን ዘልኣለማውን ዝኮነ ቃል እግዚኣብሄር ኣምላክና ብኣፈ መዓር ዝኮኑ ኣቦናን መምህርናን ኣባ ሳሙኤል ወልደሰላማ ዘፍ 28፡15 እንሆ ኸኣ፡ ኣነ ምሳኻ እየ፡ እቲ ዝበልኩኻ ኽሳዕ ዝገብሮ ኣይሐድገካን እየ እሞ፡ ኣብ እትኸዶ ዅሉ ኽሕልወካ እየ፡ ናብዛ ምድሪ እዚኣ ድማ ክመልሰካ እየ።መበገሲ ብምውሳድ ንኣባላት ማሕበርን መእመናን ስፍሕ ዝበለ መንፈሳውን ትምህርትን ምክርን ተግሳጽን ቀሪቡ።ሲዒቡ ብተከታተሊ መዝሙራት ብመዘምራን ክፍሊ ማሕበር ኣቡነ ሰላማ ከሳቴ ብርሃን ድሕሪ ምቅራብ፡ነቲ ዕለት ዝተዳለወ ጸበል መእመናን ድሕሪ ምቅማስ መደብ ከምቲ ብጸሎት ዝጀመረ ብጸሎት ተዛዚሙ።ነዚ ዝምልከት ስእላዊ መግለጺ ከምዚ ዝስዕብ ይመስል;ጸሎትን በረከትን ናይ ኣቦና ኣባ ሰላማ ከሳቴ ብርሃን ምስ ማሕበርናን ኣቦናን ምስ ኩሉ ህዝበ ክርስትያንን ይኩን።

 

ame1mah2mah4 

 

''እስመ መምህረ ሕግ ይሁብ በረከተ፡ ናይ ሕጊ መምህር በረኸት ይሕብ እዩ'ሞ።'' መዝ 84:5

 

+++ እንቋዕ ናብ ኣቦና ኣቡነ ሰላማ ከሳቴ ብርሃን ጵጵስና ዝተሾምሉ ዓመታዊ ክብረ በዓል ብሰላም ኣብጸሓና።+++

 

ክቡራት ምዕመናን ናይ ኣቦና ኣቡነ ሰላማ ከሳቴ ብርሃን ናይ ጽድቁን ናይ ተጋድሉኡን ዜና ክንነግረኩም ስምኡ። ሃዋርያዊ ኣቦና ኣቡነ ሰላማ ናይ ሕጊ መምህርን ናይ በረኸት ኣቦ ከምዝ ኾኔ ብቅዱሳን ኣቦታት ኣንደበት ከምዚ ኢሎም መስኪሮምሉ እዮም፥

 

1. ቅዱስ ኣትናቲዮስ ሊቀ ጳጳስ ዘእስክንድሪያ

 

ኣነ ኣትናቲዎስ 18 ታሕሳስ ብጹእ ቅዱስ ኣቡነ ሰላማ ከሳቴ ብርሃን ኣብ ኢትዮጵያን ኤርትራን ሃገር ናይ ጵጵስና ሹመት ሾይመካ ኣብ እስክንድርያ ሃገር ኣዋጅ ነጋሪ ዜርካ ኣውጅ ኢሉ ኣዚዝዎ። ኣቦና ኣትናቲዎስ ብጹእ ቅዱስ ማር ኣቡነ ሰላማ ከሳቴ ብርሃን ሰላማ ኣፈ ወርቂ ኣፈ መዓር ናይ ሚስጥርን ናይ ጸባን ፈልፋሊት መዓዛኻ ከም ዕጣን ከም ጽጌ ሮማን ዝጸበቀ ሰላማ መዓዛኻ ከም ጨና ዝኾነ ሰላማ ናይ በደል ጸልማት ዘርሕቕ ብርሃን ኢኻ ሰላማ ኣብ ቆላ ውሽጢ ዘሎ ናይ ደንጎላት ኮል ኢኻ ዝተመረጽካ ኣቦ ሰላማ ናይ በረኸት ዘይትን ናይ ክህነት ናይ መንግስትን ቅብኣት ኢኻ፡ ሰላማ ናይ ጥሙያት ናይ ጽሙኣት ምግብን መስተን ኢኻ፡ ሰላማ ናይ ዕውራን ብርሃን ናይ ሓንካሳት ምርኩስ ኢኻ፡ ሰላማ ንሓጥኣን ናይ ሃይማኖት በትሪ መድሓኒት ኢኻ፡ ሰላማ ናይ ቤተ - ክርስቲያን ጉልላት ዓምዲ ኢኻ፡ ሰላማ ዘይትነቓነቕ ጽኑዕ መሰረት ኢኻ፡ ኢሉ ብስላሴ ስም ባሪኹ እዚ ብማለት ናይ ምንኩስና ክዳን ኣልቢሱ ኣብ ዝኸበረ ወንበር ኣቐሚጥዎ።

 

2. ኣባ ጊዮርጊስ ዘጋስጫ ብሰዓታት ምስጋንኡ ከምዚ ኢሉ ኣመስጊንዎ፥

 

"ሰአል ለነ ሰላማ አቡነ ወመምህርነ እለ ፅልመት ነበርነ ከሰትከ ለነ ብርሃነ ዜናሁ ለመድሃኒነ"፤ አቦናን መምህርናን አቡነ ሰላማ አብ ጸልማት ዝነበርና ንዓና ናይ ክርስቶስ ብርሃነ ወንጌል አብሪህካልና፡፡ /ኣባ ጊዮርጊስ ዘጋስጫ ኣብ ናይ ሰዓታት ምስጋና/

 

3. ማሕለታይ ቅዱስ ያሬድ ብዝማሬኡ፥

 

"ዝንቱ ብእሲ መምህርነ ዘተፈነወ ውስተ ምድር ይከስት ብርሃነ፥ ብማለት ብርሃን ክገልጸልና ናብ ሀገርና ዝተለአኸ እዚ ሰብ መምህርና እዩ፡፡" /መጽ. ድጓ/

 

4. ናይ እየሩሳሌም ኤጵስ ቆጶስ ኣባ ቂርሎስ ብራእይ ተገሊጽሉ፥

 

ፍሬምናጦስ አብ አክሱም አብ ዝነበሩሉ ግዜ ናይ ቤተ መንግስቲ አማኻሪ ጥራይ ዘይኮነስ ቀደም ክብል ናይ ኦሪት እምነት ብሓደ እግዚአብሔር ምእማን ከምዝነበረ ዝፍለጥ ኮይኑ ናይ ተዋህዶ እምነት ጥምቀት ክህነትን ብዝግባእ ዝምስረተሉን ዝሰፍሓሉን መንገዲ ይደሊይ ነይሩ፡፡ አብዚ ግዜ ዝነበሩ ናይ ሐበሻ ክርስቲያን ሃይማኖት ጥራሕ እምበር ክህነት ፣ ቁርባንን ካልኦት ናይ ክርስቲያን ስርዓት አይነበሮምን፡፡

 

ሉዑላን ነገስታት አብርሃን አጽብሃን ዓቕመ አዳም በጺሖም ናይ አቦኦም መንግስቲ ምስ ተረከቡ ኤድስዮስ ናብ ሀገሩ ተመሊሱ ካህን ኮይኑ፡፡ ፍሬምናጦስ አቡነ ሰላማ ብእግዚአብሔር ፍቃድ ተላኢኹ ግብጺ ሀገር እስክንድሪያ ከይዱ ጵጵስና አምጺኡ አብ ኢትዮጵያን አብ ኤርትራን ሃዋርያ ኮይኑ ከምህርን ከጠምቕን ብእግዚአብሔር መልእኽቲ ተነጊርዎ፡፡ በዚ መሰረት ስለዝረአዮ ነገር ንነገስታት አረዲኡዎም ብድሕሪ እዚ ጵጵስና ከምጽእ ጽቡቕ ፍቓዶም ስለዝኾነ ናብ እስክንድሪያ ከይዱ፡፡

 

ፍሬምናጦስ እስክንድርያ ዝበጽሐ እለ እስክንድሮስ ንኣትናትዮስ ሒዙ ንጉባኤ ኒቅያ አብ ዝኸደሉ ግዜ ነይሩ ክሳብ ዝምለስ ትምህርተ ቤተ ክርስቲያን እንዳተምሃረ ብትዕግስቲ ምሕላው ግዲ ኾይኑዎ፡፡ እለ እስክንድሮስ አብ ጉባኤ ንቅያ ብአትናትዮስ ኣፈ ጉባኤነት አርዮስ ረቲዑ ምስተመለሰ ሽዑ ንሹዑ ስለዝዐረፈ አብ መንበሩ አትናትዮስ ተተኪኡ፡፡ ፍሬምናጦስ ዝኸደሉ ዓቢይ ምኽንያት ንቅዱስ አትናትዮስ አቕሪቡ፡፡ አትናትዮስ ናይ ሐበሻ ሐይማኖት ብዝግባእ ምስተረድአ ንፍሬምናጦስ ስርዓተ ቤተ ክርስቲያን አምሂሩ ኤጲስ ቆጶስ ዘአክሱም ወዘኩላ ኢትዮጵያ ኢሉ ብአንብሮት ዕድ ተሾይሙ፡፡ ብሹመቱ ሰላማ ዝብል ስም ንኽወጸሉ መልአኩ ቅዱስ ዑራኤል ንእየሩሳሌም ኤጵስ ቆጶስ ኣባ ቂርሎስ ብራእይ ተገሊጹ ነጊሩዎ፡፡

 

ሰላማ ማለት ኣብ እግዚአብሔርን አብ ሰብን ማእኸል ኮይኑ ዘተዓርቕ ማለት እዩ፡፡ እብ ዘመነ ጥሜት ጽጋብ ኣብ ዘመነ ኲናት ሰላም ዝህብ ማለት እዩ፡፡ ብርሃነ ወንጌል ንኢትዮጵያን ንኤርትራን ዝለዘብሰረ ብብርሃነ ትምህርቱ ዝተሓጎሱ አብ ፀልማት ውሽጢ ነይሮም ብእኡ መንገዲ ወንጌል ዝበርሀሎም ምእመናን ከሳቴ ብርሃን ብማለት ሰይመሞ፡፡ 

 

ስለዚ ክቡራት ምዕመናን እዚ ቅዱስ ኣቦ እዚ ናይ ኦርቶቦክስ ተዋህዶ ፈላሚ ሃዋርያ ኣቦና ኣቡነ ሰላማ ከሳቴ ብርሃን ከምቲ ነቢይ ዳዊት ዝበሎ ''እስመ መምህረ ሕግ ይሁብ በረከተ፡ ወየሓውር እምኃይል ውስተ ኃይል፡ ወያስተርኢ ኣምላከ ኣማልክት በጽዮን።'' ''ናይ ሕጊ መምህር በረኸት ይሕብ እዩ'ሞ። ካብ ሓይሊ ናብ ሓይሊ ይኸዱ፣ አብ ጽዮን አብ ቅድሚ ኣምላኽ ይቘሙ።'' መዝ 84:5። ከም በሎ ኣቦና ሃዋርያና መምህርና ፈሊጥና ዕለቱ ክነክብሮን ናይ ቃል ኪዳኑ ተጠቃማይ ክንኽውን እግዚኣብሔር ብቸርነቱ ይሃግዘና።

 

''ኣዒንቲ እግዚኣብሄርሲ ናብ ጻድቃን እየን ዚርእያ፡ ኣእዛኑውን ናብ ጸሎቶም እየን፥'' 1ይ ጴጥሮስ 3:12፤

 

   mah

 

ኣቦና ኣቡነ ሰላማ ከሳቴ ብርሃን ናይ መጀመርታ ቀዳማይ ሃዋርያ ዝኾነ ኣቦና ኣቡነ ሰላማ ከሳቴ ብርሃን ጵጵስና ዝተሾመሉ ዓመታዊ ክብረ በዓል እዩ። ኣቦና ኣቡነ ሰላማ ከሳቴ ብርሃን ጵጵስና ክሽወም ከሎ ኣብ ምድሪ ሓበሻ ኣምደ ብርሃን ተገሊጹ። ኣቦና ክርስትና፡ ጥምቀት፡ ክህነት፡ ጵጵስና ኣምጺኡ ብወንጌልን ብጥምቀትን ካብ ጸልማት ናብ ብርሃን ኣሰጋጊሩና እዩ። ሓዱሽ ኪዳን ሰቢኹ ክርስትና ኣጥሚቑ ናይ ክርስቶስ ስግኡን ደሙን ኣቐቢሉ ንሰማያዊ ማዕረግ ዘብጸሐና ጻድቕ ኣቦና እዩ።

 

''ብክርስቶስ ኣእላፋት መዕበይቲ እኳ እንተ ኣለዉኹም፡ ኣነ ብክርስቶስ እየሱስ ብወንጌል ወሊደኩም እየ እሞ፡ ብዙሓት ኣቦታትሲ የብልኩምን። '' 1ይ ቆሮንቶስ 4:15።

 

ሃዋርያዊ ኣቦና ኣቡነ ሰላማ ከሳቴ ብርሃን ኣብ ምድሪ ሓበሻ ናይ መጀመርያ ክርስትና ዘጥመቐ ቤተክርስቲያን ዝተኸለ ካብ ኦሪትን ዝተፈላለየ ናይ ጣኦት እምነት ብሃገር ደረጃ ሓደ ናይ ተዋህዶ ክርስትና እምነት ዝመስረተ ሓበሻ ኣብ ናይ ዓለም መድረኽ ናይ ክርስትያን ደሴት ክትከውን ዘፋለጠ እዩ። 

 

''ነቶም ቃል ኣምላኽ ዝነገሩኹም መራሕቲኹም ዘክርዎም፡ መወዳእታ ንብረቶም እናተቛመትኩም፡ ኣሰኣሰር እምነቶም ስዓቡ።'' ዕብራውያን 13:7።

 

ኣቦና ኣቡነ ሰላማ ከሳቴ ብርሃን - ናይ መጀመሪያ ሃዋርያ ኣብ ምድሪ ሓበሻ ዝሰርሖም ስራሕቲ

 

1. ወንጌል ዝሰበከልና ሃገርና ብናይ ባዓላ ቋንቋ ወንጌል ዝተርጎመልና

2. ክርስትና ዘጠመቐናን ካብ ጸልማት ናብ ብርሃን ዘሳገረና

3. ብዘመናት በዝሒ ዘይናወጽ ዶግማኣን ቀኖናኣን ሰሪሑ ቤተክርስቲያን ዝተኸለልና 

4. ናይ ክርስቶስ ቅዱስ ስግኡን ክቡር ደሙን ዝሃበና

5. ብዙሓት ጳጳሳት ፥ ካህናት፥ ዲያቆናት ዝሾመልና

6. ብገድሉን ብትሩፋቱን ብቅድስኑኡ ፍሉይ ናይ ቃል ኪዳን ጸጋ ዝተወሃቦ ብጥንታውያን ኣቦታትን ዝተመስከረሉ

7. ብቃል ኪዳኑ ንዝኣመኑ ናይ መንግስተ ሰማይ ወረስቲ ክኾኑ ካብ ኣምላክ ቃል ኪዳን ዝተወሃቦ ጻድቕ ሃዋርያዊ ኣቦና ኣቡነ ሰላማ ከሳቴ ብርሃን። 

ናይ ቅዱስ ኣቦና ኣቡነ ሰላማ ከሳቴ ብርሃን ጸሎትን በረኸትን ምስ ማሕበርናን ምስ ኩልና ሕዝበ ክርስቲያን ይኹን ኣሜን።+++

 

 


እንቋዕ ናብ ናይ ሃዋርያ ኣቦና ኣቡነ ሰላማ ከሳቴ ብርሃን /ፍሬምናጦስ/ ዓመታዊ ናይ ዕረፍቶም ክብረ በዓል ብሰላም ኣብጻሐና።


++++ ናይ ኣቦና ኣቡነ ሰላማ ከሳቴ ብርሃን ዜና ገድሊ++++


''ኣብ ቅድሚ እግዚኣብሄር ሞት ቅዱሳኑ ኽቡር እዩ።'' መዝ 116:15።

ኣቦታተይ የሕዋተይ ጥዑም ዜና ገድሉ ናይ ኣቦና ናይ ብጹእ ናይ ቅዱስ ፍሬምናጦስ ኣቡነ ሰላማ ከሳቴ ብርሃን ክንነግረኩም ስምዑ። ሰላምን.... ፍቕርን.... ምህረትን.... ይቅርታን.... ጸጋን..... ሞገስን..... ኣባና ይሕደር ፈተውተይ ዝኾንኩም ኣቦታተይ የሕዋተይ ጸላኢ ዘይስዕሮ ናይ ፍቕሪ ናይ ትሕትና ናይ ምንኩስና ናይ ድንግልና ናይ ንጽህና መዝገብ ዘብርህ ናይ ብርሃን ጸዳል ዝኾነ ብሩህ ጸሓይ ዝተሸለመ ኮኾብ ናይ ንጹሃን ኣቦታት ኣቦ ናይ ብጹእ ናይ ቅዱስ ፍሬምናጦስ ኣባ ሰላማ ከሳቴ ብርሃን ዜና ገድሉ ክንነግረኩም ስምዑ።

 

ኣቦና ኣቡነ ሰላማ ከሳቴ ብርሃን ብ245 ዓ/ም ሕዳር 26 ካብ ኣቦኦም ቅዱስ ምናጦስ ካብ ኣዲኦም ቅድስቲ ማርያም ሰናይት ኣብ ጢሮስ (ግሪኽ) ተወሊዶም። ብጽቡቕ ስነ ምግባር ተኾስኪሶም ዝዓበዩ ኣቦ እዮም። ቅዱስ ኣቦና ኣቡነ ሰላማ ከሳቴ ብርሃን ብእግዚኣብሔር ፍቓድ ብኣዴና ቅድስት ድንግል ማርያም ትዕዛዝ ካብ ናይ እስክንድርያ ሊቐ ጳጳስ ቅዱስ ኣትናቲዮስ ታሕሳስ 18 ጵጵስና ተቐቢሎም ብምምጻእ፥ ኣብ ምድሪ ሓበሻ ናይ መጀመሪያ ሃዋርያዊ ተልእኾ ዝፈጸሙ ቅዱስ ኣቦ እዮም። ጻድቕ ኣቦና ማር ኣቡነ ሰላማ ህሩይ ከሳቴ ብርሃን ኣብ ዘበኖም ኣብ ሙሉእ ኢትዮጵያን ኤርትራን ቤተክርስቲያን ተኺሎም፣ ክርስትና ኣጥሚቆም ፣ ጳጳሳት ካህናት ዲያቆናት ሸይሞም፣ ምውት ኣተሲኦም (ኣብ ናይ ጥርን ናይ ሰነን ገድሊ)፣ ጸሓይ ካብ ተፈጥሮ ሕጊ ወጻኢ ኣቑሞም (ኣብ ናይ ነሓሰ ገድሊ)፣ ኣባይ ቃላይ(ናይል) ከፊሎም ተሳጊሮም (ኣብ ናይ መስከረም ገድሊ)፣ ብኸምዚ ዓይነት ገድሊ ንቤተ ክርስቲያን ብዙሕ ስራሕ ሰሪሖም ገድሎም ዝፈጸሙ ኣቦ እዮም።

 

13876706 633177666850833 2961314884327477174 n

 

ኣቦና ኣቡነ ሰላማ ድሕሪ’ዚ ኩሉ ገድልን ተጋድሎን ዘዕርፈሉ ግዜ ስለ ዝቐረበ፡ እልፍ ኣእላፍ መላእክት ብኹሉ ወገናት ኣብ ዝነበርሉ ግዜ ኣብ ልዕሊ ምድሪ ብገጾም ወደቑ፡ ደንገጹ ዓቢ ፍርሓት ድማ ሓዞም። እዚ ድማ ካብ ግርማ መለኮት ጎይታና ኢየሱስ ክርስቶስ ዝተላዕለ ኢዩ። ጎይታ ድማ “ኦ! ፍቁረይን ኣገልጋሊየይን ሰላማ ካብዚ ምድሪ ተንስእ ነዛ ሓላፊት ሞት ኣይትፍርሃያ ኣነ ናብ ዘለኣለማዊ ሕይወት ክወስደካ እንተኾነ ግና ተሓጎስ ደስ’ውን ይበልካ ኣብ ሰማያት ዓስብኻ ብዙሕ ኢዩ” በሎ። በዚ ድማ ጎይታ ዝደለዮ ክሓትት ፈቐደሉ። ኣቡነ ሰላማ ድማ “ጎይታይን ኣምላኸይን መድሓኒየይን ኣነ ትውክልተይ ኣባኻ ኢዩ ዝኽረይ’ውን ንስኻ ኢኻ እሞ ሓጢኣተይ ኣስተሰርየለይ ዝክረይ ዝገበረ፡ ስመይ ዝጸውዐ፡ ብስመይ ጥሙይ ዘብልዐ፡ ዕሩቕ ዝኸደነ፡ ጽሙእ ዘስተየ፡ ቤተ ክርስቲያን ዝሰርሐ፡ ምእንቲ ወላዲትካ ድንግል ማርያምን ምእንቲ ፍቁርካ ኣብርሃም፡ ይስሃቅ፡ ያዕቆብ፡ ምእንቲ ፍቁርካ ዮሓንስ መጥምቕ ምእንቲ ኩሎም ቅዱሳን፡ ኣብ ቤተ ክርስቲያነይ ኮይኑ ዝጸለየ፡ ዝለመነ፡ ዓይኒ ዘይርኣየቶ፡ እዝኒ ዘይሰምዓቶ፡ ልቢ ወዲሰብ ዘይሓለኖ ኣውርሰለይ” በሎ። ጎይታ ድማ ይኹነልካ እቲ ዝበልካዮ ኩሉ ዝገበረ ክሳዕ ፲፭/15 ወለዶ ክምሕሮ ኢየ። ንኹሉ መጽሓፍ ገድልኻ ደው ኢሉ ዝሰምዐ ናይ ፹/80 ዓመት ሓጢኣት ይስረየሉ። ኮፍ ኢሉ ዝሰምዐ ድማ ናይ ኣርባዓ ዓመት ሓጢኣት ይስረየሉ” ብምባል ኪዳን ኣተወሉ ። ብድሕሪ'ዚ ኣብ 150 ዕድሚኦም ሓምለ 26 ዓሪፎም።

 

ንኣቦና ኣቡነ ሰላማ መድሃኒኣለም ዝኣተወሎም ቃል-ኪዳን ሽምካ ዝጸወዐን ገድልኻ ዘሰምዐን ዝስመዐን ብሽምካ ድኻ ዘብለዐን ብሽምኻ ቤተ-ክርስቲያን ዘሰርሐን ብሽምካ ዝኽሪ (ጸበል) ዝዘከረን 15 ትውልዲ ክምሕረልካ እየ ዝብል ቃል-ኪዳን ተቐቢሎም። በዚ መሰረት ብእግዚኣብሄር ምሕረት ብዝተወሃቦም ፍሉይ ቃል-ኪዳን ሕጂ'ውን እንተኾነ ኣብ ዘበንና ብስሙን ብጸበሉን ዝግበሩ ዓበይቲ ተኣምራታት እንዳቐጸሉ እዮም። ስለዚ ሽሞም ብምጽዋዕን ጸበሎም ብምስታይን ናይ በረኸቶም ተሳተፍቲ ንኹን።

''ዓብዪ ህዝቢ ኽገብረካን ክባርኸካን ከኣ እየ፡ ንስምካውን ከዕብዮ እየ፡ ንበረኸት ድማ ክትከውን ኢኻ። 
ንዚባርኹኻ ክባርኾም፡ ንዚረግመካ ድማ ክረግሞ እየ። ዓሌታት ኵላ ምድሪ ድማ ብኣኻ ኪባረኹ እዮም።'' ዘፍጥረት 12:3።
''አቦናን መምህርናን አቡነ ሰላማ አብ ፅልማት ዝነበርና ንዓና ናይ ክርስቶስ ብርሃነ ወንጌል አብሪህኻልና፡፡'' /ኣባ ጊዮርጊስ ዘጋስጫ ብሰዓታት/።
ናይ ኣቦና ኣቡነ ሰላማ ከሳቴ ብርሃን ጸሎትን ቃልኪዳንን በረኸት ምስ ማሕበርናን ምስ ኹላትና ሕዝበ ክርስቲያን ይኹን። ኣሜን።

ወስብሃት ለእግዚኣብሄር ወለወላዲቱ ድንግል ወለመስቀሉ ክቡር ኣሜን።

 

 ''ንስኻትኩም ብርሃን ዓለም ኢኹም። ኣብ ከረን ዘላ ኸተማ ኽትክወል ኣይከኣላን እዩ።'' ማቴዎስ 5:14

+++ እንኳዕ ናብ ናይ ቅዱስ ጴጥሮስ ወጳውሎስ ሰማዕትነት ዝተቀበልሉ ዓመታዊ ክብረ በዓሎምን ናይ ኣቦና ኣቡነ ገብረመንፈስ ቅዱስ ወርሓዊ ናይ ዕረፍቶም ክብረ በዓል ብሰላም ኣብጸሓና። ናይ ቅዱሳን ጴጥሮስ ወጳውሎስን ናይ ኣቡነ ገብረመንፈስ ቅዱስ ጸሎቶምን በረኸቶምን ምስ ማሕበርናን ምስ ኩልና ህዝበ ክርስትያንን ይኹን ኣሜን።+++
''እቶም ናይ ልዑል ቅዱሳን ግና ነታ መንግስቲ ኪቕበልዋ እዮም፣ ነታ መንግስቲውን ንዘለኣለም፣ ኤረ ንዘለኣለመ ኣለም ኪወርስዋ እዮም።'' ዳንኤል 7:18።
''ንነብዪ ብስም ነብዪ ዚቕበል፡ ዓስቢ ነብዪ ይረክብ፡ ንጻድቕ ብስም ጻድቕ ዚቕበል ድማ ዓስቢ ጻድቕ ይረክብ።
ካብዞም ናእሽቱ ንሓደ እኳ ብስም ወደ መዝሙር ጣሳ ዝሑል ማይ ጥራይ ዜስቲ፡ ዓስቡ ከቶ ኸም ዘይስእን፡ ብሓቂ እብለኩም አሎኹ።'' ማቴ 10:41-42።

13626602 623264087842191 6222998950224147922 n

 

 

 meleekty

ኣገዳሲ ምልክታ

 

ኩቡራት ናይ ኣቡነ ሰላማ ማሕበር ዌብሳይት ተጠቀምቲ ብምልእኹም ነዚ ዌብሳይት ተጠቀምቲ ንኽንከውን እግዚኣብሄር ስለዝፈቐደ ዝተመስገነ ይኹን ኣቡነ ሰላማ ብፀሎቶምን ቃልኪዳኖምን ስለዝሓገዙና ዝተመስገኑ ይኹኑ ። ካብዚ ብምቕፃል ናይ ማሕበር እቡነ ሰላማ ሽም ዝፅውኡ ናይ ማሕበር ሽም ዘግድፉ ዌብሳይትን ፌስቡክን ካልኦት ፅሑፋትን ሰለዘለዉ ጥንቃቔ ክትገብሩ ብትሕትና ነተሓሳስብ። 

 

ሶሙናዊ መደባት

 

jesus sermon on the mount buttons-p145807933072694819en88u 325ቀዳም
14:00 -20:00   ጉባኤ
ሰንበት
20:00 -22:30   ጉባኤ
13:00 -17:00   ግላዊ ምኽሪ
ሶኒ
14:00 -16:30 ግላዊ ምኽሪ   
20:00-21:30 መንፈሳዌ ኮርስ
ሶሉስ
10:00 -12:00   ግላዊ ምኽሪ
15:00 -14:30   ግላዊ ምኽሪ
ሓሙስ
10:00 -12:00   ግላዊ ምኽሪ
ዓርቢ
19:00 -23:00   ጉባኤ

ኣብ 12፣16፣ 18ን 26ን ወርሓዊ ዝኽሪ ፀበል ፃድቕ እሎ እዩ። 

ናይ መፅሓፍ ቅዱስ ጥቕሲ

readings " ናኸ ኣቱም ብጐይታ ፍቑራት ኣሕዋትና፡ ኣምላኽ ካብ ጥንቲ ብናይ መንፈስ ቅድስናን ብእምነት ሓቅን ንምድሓን ስለ ዝሐረየኩም፡ ንሕና ብዛዕባኻትኩም ንኣምላኽ ኲሉ ሳዕ ከነመስግኖ ግቡእና እዩ። 

                 2ይተሰ 2:13

ብባሕታዊ ሳሙኤል ዝቐረበ መጻሕፍትን ቪሲዲን

 

abb

 

ብሂል ኣቦታት

stanthony"ንእግዚኣብሄር ካብ ብፃይካ ኣብሊፅካ ፍተዎ ንብፃይካ ድማ ሓለፋ ነፍስኻ ፍተዎ" 

ኣባ ይስሓቕ ሶርያዊ

ብሂል ኣቦታት

stanthony "ሓንቲ ናይ ክፍኣት ቃል ነቲ ሰናይ ሰብ ክፉእ ትገብሮ፥ ሓንቲ ሰናይ ቃል ግን ነቲ ክፉእ ሰብ ሰናይ ትገብሮ እያ።"                                        ኣባ መቃርዮስ 

ብሂል ኣቦታት

stanthony"ሕማቅ ሓሳባት ኣብ ሓንጎልካ  

ከይፍጠሩ ክትገብር ኣይከኣለካን እዩ ግና ክትነፅጎም ትኽእል ኢኻ።" ኣባ ፒምዋ

ብሂል ኣቦታት

stanthony"ምሉእ ሂዎቶ ንድንግል ማርያም ዘገልገለን ዝሃበን ሂዎቱ ፈጺማ ኣይትጠፍእን እያ።"  ኣባ ኣግናጥዮስ ናይ ኣንፅዮክ

ብሂል ኣቦታት

stanthony"ንሰብ ካብ ባዕሉ ሓሊፉ ካሊእ ሰብ ክጎድኦ ዝኽእል የለን።" 

ኣባ ኣንጦንዮስ ዕብይ ኣቦ መነኮሳት

 

      ክትክተሉና እብ ሓዲኦም ይፅቀጡ

  twitter-logo-circular-OFFfacebThis email address is being protected from spambots. You need JavaScript enabled to view it. 

Screen Shot 2012-12-21 at 03.44.02

feedback